Нийслэлийн гэмт хэргээс урьдчилан сэргийлэх ажлыг зохицуулах салбар зөвлөл Эерэг тэмүүлэл НҮТББ-тай хамтран "UB Debate 2025" сургагч багш бэлтгэх цогц хөтөлбөрийг НЕБ-ын 45 сургуулийн багш болон ахлах ангийн сурагчдын дунд хэрэгжүүлж байна. Энэхүү хөтөлбөр нь олон төрлийн сургалт, арга хэмжээгээр дамжуулан мэтгэлцэх чадвартай, аливаа асуудалд нотолгоотой, шинжлэх ухаанчаар ханддаг шинэ үеийн төлөөллийг бий болгохоор зорьж буй.
Энэ хүрээнд хөтөлбөрт оролцож буй НЕБ-ын 45 сургуулийн багш, сурагчид олон улсын хүүхдийн Найрамдал зусланд байрлан илтгэх ур чадвар, мэтгэлцээн, хувь хүний хөгжлийн ур чадвар олгох хичээлүүдэд хамрагдаж байна. Тэгвэл НИТХ-ын дарга бөгөөд НГХУСАЗСЗ-ийн дарга А.Баяр хөтөлбөрийн оролцогчидтой уулзаж, сургалтын үр дүн, ач холбогдлын талаар ярилцлаа.
Тэрбээр “Өнөөдөр нийслэл Улаанбаатар хотод тулгамдаж буй олон асуудал бий. Эдгээр асуудлыг шийдэх, ирээдүйд илүү төлөвлөлттэй, хүндээ ээлтэй хотыг бүтээх эзэд нь та бүхэн учраас юун түрүүнд мэтгэлцээний ур чадварт суралцаасай гэж хүссэн юм. Цэгцтэй бодож сэтгэдэг, асуудалд шийдэл эрэлхийлдэг, өөрийн санаа, бодлыг ойлгуулж чаддаг мэргэжилтнүүд болж, хотынхоо асуудлыг шийдэхэд хувь нэмрээ оруулаарай” гэв.
Үүний дараа хөтөлбөрийн оролцогчид "UB Debate 2025" сургагч багш бэлтгэх эрчимжүүлсэн сургалтаас олж эзэмшсэн ур чадвар, үр дүнгийн талаар сэтгэгдлээ хуваалцлаа.
Эх сурвалж: НИТХ-ХМОНХА
Бусад мэдээ
Нийслэлийн аюулгүй байдлыг хангах, гэмт хэргээс урьдчилан сэргийлэх албадад мэргэжлийн камер, техник хэрэгсэл гардууллаа
2 удаа үзсэн“Playtime” хөгжмийн фестивалийг зоригсдын хөдөлгөөний аюулгүй байдлыг хангаж, 24 цагийн хяналт тавьж ажиллана
1 удаа үзсэнГэмт хэргээс урьдчилсан сэргийлэх салбар дундын зөвлөгөөн боллоо
1 удаа үзсэн